Busnesau Cymru yn mwynhau manteision y gyfraith newydd ailgylchu yn y gweithle

Bydd y ddeddf newydd, sy’n dod i rym ar 6 Ebrill, yn helpu i greu economi gryfach a gwyrddach i Gymru

Bookmark
Share

Paul AtkinsCommercial Content Writer

08:56, 15 FEB 2024

Mae Prifysgol Caerdydd yn mynd gam ymhellach na'r gyfraith ailgylchu newydd gyda chyflwyniad ei system ailgylchu aml-ffrwd ar wahân — Mae Prifysgol Caerdydd yn mynd gam ymhellach na'r gyfraith ailgylchu newydd gyda’i system ailgylchu aml-ffrwd ar wahân (Image: Llywodraeth Cymru)

To read this article in English, click .

Bydd y gyfraith newydd, fydd yn gweld gweithleoedd yn gwahanu eu gwastraff i’w ailgylchu yn yr un modd ag y mae aelwydydd yn y rhan fwyaf o Gymru eisoes yn ei wneud, yn dechrau ar 6 Ebrill.

Bydd hyn yn gwella ansawdd ailgylchu a faint o wastraff sy’n cael ei ailgylchu yng Nghymru.

Dywedodd Julie James, y Gweinidog Newid Hinsawdd: “Bydd cyfraith ailgylchu yn y gweithle newydd Cymru yn bwysig er mwyn cyflawni nodau yr argyfyngau hinsawdd a natur ond yn hollbwysig bydd yn cyflawni buddion i’r economi drwy gasglu cyflenwad cadarn o ddeunyddiau o ansawdd uchel sydd wedi’u hailgylchu.

"Mae hyn yn dangos sut gallwn ni weithio gyda’n gilydd i leihau ein heffaith amgylcheddol a gosod sylfeini ar gyfer economi gryfach, wyrddach."

Gall newid fod yn beth da

Linda Breen, Cynorthwyydd Gwerthu yn Canton Food Market (Image: Llywodraeth Cymru)

Mae llawer o fusnesau eisoes wedi dechrau gwneud newidiadau i’w system rheoli gwastraff ac maent wedi bod yn mwynhau buddion hynny.

, gwnaethom siarad â’r manwerthwr o Gaerdydd, Canton Food Market, sydd bellach yn trin gwastraff yn wahanol ac sy’n adrodd bod hynny’n haws erbyn hyn, gan hefyd arbed arian.

Dywedodd Linda Breen, Cynorthwyydd Gwerthu yn Canton Food Market: “Fel llawer o fusnesau, roedd gennym bryderon am wneud y newidiadau ond fe wnaethom ddysgu yn gyflym bod newid yn gallu bod yn beth da.

“Roedd ein holl wastraff yn arfer mynd i mewn i un bin mawr allan yng nghefn y safle, ond oherwydd ei faint, yn anaml iawn y byddai’n cael ei gasglu, ac roedd yn cymryd tipyn o le.

“Nawr, rydyn ni’n gweld bod ein gwastraff y gellir ei ailgylchu yn cael ei gasglu ddwywaith yr wythnos ac mae’r biniau llai yn cymryd llawer llai o le.

“Rydyn ni hefyd yn cynhyrchu llawer llai o wastraff cyffredinol, felly rydyn ni’n arbed arian.

“Rydyn ni’n falch ein bod ni eisoes yn gwbl barod ar gyfer y gyfraith newydd cyn iddi ddechrau ym mis Ebrill. Mae hefyd wedi gwneud i ni feddwl llawer mwy am ein hailgylchu a ffyrdd eraill y gallwn ni leihau ein gwastraff cyffredinol.”

Canlyniadau hynod gadarnhaol

Becky Jones, Rheolwr Marchnata Cei’r Fôr-forwyn (Image: Llywodraeth Cymru)

Fe wnaethom ni siarad â Cei’r Fôr-forwyn ym Mae Caerdydd hefyd, sydd wedi cefnogi’r holl werthwyr bwyd a’r bwytai yn y bae i wneud newidiadau i’w dull o reoli gwastraff.

Ers gwneud yr addasiadau i’w biniau a gwahanu eu gwastraff, maen nhw wedi adrodd bod costau gwaredu gwastraff wedi lleihau dwy ran o dair.

Mae hyn hefyd wedi arwain at gynnydd i’r cyfraddau ailgylchu, ac yn ei dro, wedi lleihau costau rheoli gwastraff.

Dywedodd Becky Jones, Rheolwr Marchnata Cei’r Fôr-forwyn, “Efallai ei fod yn ymddangos yn anodd, ond mae’r broses wedi bod yn syfrdanol o syml, ac wedi gwneud gwahaniaeth enfawr i’n hallgostau a faint sy’n cael ei ailgylchu yn gyffredinol.”

System ailgylchu saith ffrwd

Yn ogystal, mae Prifysgol Caerdydd yn arwain y ffordd o ran ailgylchu drwy gyflwyno ei system ailgylchu aml-ffrwd ar wahân newydd ar gyfer tuniau a chaniau, plastig, papur, cherdyn, gwydr a deunyddiau na ellir eu hailgylchu.

Er eu bod nhw wedi didoli eu gwastraff mewn i fwy o finiau nag sydd eu hangen o dan y ddeddf newydd, mae’r brifysgol wedi penderfynu mai dyma’r ffordd symlaf i’w gwneud hi mor hawdd â phosib i’w niferoedd uchel o staff a myfyrwyr ailgylchu.

O ganlyniad, mae wedi dargyfeirio bron i 100 tunnell o wastraff bwyd rhag cael ei waredu.

Yn drydydd yn fyd-eang mewn ailgylchu gwastraff cartref

Mewn dim ond 20 mlynedd, mae Cymru wedi mynd o ailgylchu llai na 5% i ailgylchu mwy na 65% o’n gwastraff dinesig ac mae bellach yn drydydd yn y byd am ailgylchu gwastraff cartref. Mae hyn yn helpu i arbed tua 400,000 tunnell o allyriadau carbon bob blwyddyn.

Bydd y gyfraith newydd yn helpu i barhau i wella cyfraddau ailgylchu, sicrhau bod deunyddiau yn cael eu defnyddio mor hir â phosibl, creu cymunedau gwyrddach a chefnogi economi fwy cylchol.